Д.А. Қонаев музейі

Музей 2002 жылдың 12 қаңтарында Д.А. Қонаевтың 90 жылдық мерейтойына орай ашылды. 2022 жылы Д.А. Қонаевтың 110 жылдық мерейтойына орай, музейдің бірінші ғимараты күрделі жөндеуден өткізіліп қайта жаңартылды.
Музей экспозициясы Д.А. Қонаевтың «Ақиқаттан аттауға болмайды» атты естеліктер кітабына негізделген. Д.А. Қонаевтың өзінің жеке және замандастарының естеліктері, мұрағат құжаттары мен заттары қойылған экспозиция, қазақ халқының біртуар перзентінің өмірі мен қызметі туралы, әрі сол дәуір жайында баяндайды.
Музей екі қабаттан тұрады. 1-ші қабатта Д.А. Қонаевтың шежіресі, ата-анасы, балалық шағы, мектептегі және студенттік жылдары, алғашқы еңбек жолы туралы фотоқұжаттармен көрсетілген. Музей ғимаратының 2-ші қабатында бейне естеліктер аймағы, ғылыми саласы, Алматы құрылысы, мемориалдық аймақ, дипломатиялық қарым – қатынасы туралы материалдар ұсынылған.