Н. Тілендиевтің мемориалды музейі

2014 жылғы 16 мамырда Алматы қаласы әкімі № 1/40 2014 жылғы 27 қаңтардағы Қаулысына сәйкес Нұрғиса Тілендиевтің мемориалды музейі ашылды.
Музей қаланың тарихи орталығында, композитор өмірінің соңғы жылдарын отбасы мүшелерімен бірге өткізген тұрғын үйде орналасқан. Ғимараттың өзі тарихи құндылыққа ие, себебі онда Қазақстанның тарихы мен мәдениетінің көрнекті қайраткерлері тұрған.
Музей 5 экспозициялық бөлмеден тұрады: кіреберіс, қонақ бөлме, зал, демалыс бөлмесі және ас үй.
Музей қорында 3214 экспонат бар. Олардың қатарында композитордың жеке заттары, мемлекет қайраткерлерінің бірегей сыйлықтары, «Дариға-домбыра», рояль, пианино сияқты музыкалық аспаптар және басқа да құнды жәдігерлер сақталған.
2020 жылы Жұмыспен қамтудың жол картасы аясында музейде реэкспозиция жүргізілді. Реэкспозиция барысында витриналар жаңартылып, заманауи мультимедиялық технологиялар енгізілді.
2025 жылы республикалық және халықаралық деңгейде Нұрғиса Тілендиевтің 100 жылдығы атап өтілді. Бұл маңызды дата ЮНЕСКО-ның атаулы даталар күнтізбесіне енгізілген. Мерейтой аясында «Алматы қаласы музейлер бірлестігі» КМҚК қарасты Н. Тілендиевтің мемориалды музейінің экспозициясы жаңартылды. Музейдің жалпы аумағы 169,10 шаршы метр. Реэкспозиция жұмыстары нәтижесінде музей экспозициясының ауданы 114 шаршы метрден 161 шаршы метрге дейін кеңейтіліп, жаңа екі экспозициялық зал қосылды.