БАЙҚАУ ЖАРИЯЛАНАДЫ

«Алматы қаласы музейлер бірлестігі» КМҚК директордың даму жөніндегі орынбасары лауазымына ашық конкурс жариялайды.

Негізгі міндеттері:

- өз қызметін бірінші басшының жалпы басшылығымен және ұйымның құрылымдық бөлімшелерінің басшыларымен өзара іс-қимыл жасай отырып жүзеге асырады;

- тұжырымдамаларды, жоспарларды, бағдарламалар мен жобаларды әзірлеуге қатысады, олардың орындалуын бақылауды қамтамасыз етеді;

- қаржы қаражаттарының қозғалысы мен мақсатты пайдаланылу жай-күйін қамтамасыз етеді;

- перспективалық және ағымдағы қаржылық жоспарлар мен ақша қаражаты бюджеттерін жасауды қамтамасыз етеді;

- музей мен музей бірлестігінің даму бағдарламаларын әзірлеуді және іске асыруды, даму жөніндегі ұзақ мерзімді және қысқа мерзімді жоспарларды қалыптастыруды, халықаралық және өңірлік ынтымақтастық бағдарламаларын үйлестіруді, мәдени, білім беру және көрме жобаларын ұйымдастыру мен іске асыруды қамтамасыз етеді;

- музей саласындағы үрдістерді талдау жүргізеді, заманауи технологиялар мен тәсілдерді енгізеді;

- гранттарды, демеушілік және қайырымдылық қаражаттарын іздестіру және тарту жұмыстарын жүзеге асырады;

- мемлекеттік және жеке ұйымдармен, халықаралық қорлармен серіктестік қатынастарды орнатуды және дамытуды қамтамасыз етеді;

- жобалық құжаттаманы жүргізеді, мерзімдер мен іске асыру сапасын бақылайды;

- музейдің маркетингтік және PR-стратегиясын әзірлейді;

- баспасөзбен, медиа және әлеуметтік желілермен жұмысты үйлестіреді;

- музейдің танымалдылығын арттыруды және келушілерді тартуды қамтамасыз етеді;

- семинарлар, дәрістер, шеберлік сабақтарын ұйымдастырады;

- экспозициялар мен көрмелердің тұжырымдамаларын қалыптастыруға қатысады;

- директор үшін талдамалық есептер мен ұсыныстар дайындайды;

- кәсіпорынның нормативтік құжаттары мен жұмыс регламенттерін әзірлеуге қатысады.

Біліктілік талаптары:

- кадрларды даярлаудың мынадай бағыттарының бірі бойынша жоғары білімі болуы: педагогикалық ғылымдар (жалпы даму пәндері бойынша, жаратылыстану ғылымдары бойынша, гуманитарлық пәндер бойынша, тілдер мен әдебиет бойынша мұғалімдерді даярлау) және/немесе өнер және гуманитарлық ғылымдар және/немесе әлеуметтік ғылымдар, журналистика және ақпарат және/немесе бизнес, басқару және құқық және/немесе инженерлік, өңдеу және құрылыс салалары (сәулет, құрылыс, машина жасау) және/немесе ақпараттық-коммуникациялық технологиялар және/немесе жаратылыстану ғылымдары, математика және статистика және/немесе қызмет көрсету (туризм, мәдени-бос уақыт жұмысы);

- мәдениет, даму, PR немесе жобаларды басқару саласында кемінде 4 жыл жұмыс өтілі;

- қазақ және орыс тілдерін білу, ағылшын тілін білу артықшылық болып табылады;

- жобаларды басқару, серіктестік орнату және талдамалық жұмыс дағдылары.

Құжаттарды қабылдау мерзімі:

- 2025 жылғы 15 қыркүйекке дейін (жұмыс күндері) қоса алғанда , Алматы қаласының уақыты бойынша.

Тапсыратын құжаттар тізімі:

- өтініш (белгіленген нысанда);

- түйіндеме (резюме);

- нотариалды расталған білімі туралы диплом көшірмесі;

- нотариалды расталған жеке куәліктің көшірмесі;

- ұсыным хат (бар болса).

Құжаттар Алматы қаласы, Қабанбай батыр көш., 132 үй мекенжайында қабылданады.

Байланыс нөмірлер: +7 /727/ 248-31-95

Электрондық пошта: museumalmaty@mail.ru

‍