Мемлекет және қоғам қайраткері, үш мәрте Социалистік Еңбек Ері, Қазақ КСР ғылым академиясының академигі – Дінмұхамед Ахметұлы Қонаевтың өмірден озғанына 32 жыл толды.
Осыған орай, Алматыда Қонаев бюстіне гүл шоқтарын қою рәсімі өтті. Іс-шарада Д.А. Қонаев қорының Президенті Эльдар Қонаев, белгілі журналист, профессор Қазақстан Журналистика Академиясының вице-президенті Валерий Жандаулетов сөз сөйледі. Сонымен қатар, ҚР құрметті азаматы,  Д. Қонаев халықаралық қорының вице-президенті  Дәулетбек Жанботаевтың  орындауында «Алатаудай асқарлы»  әні шырқалды.
Іс-шараға Д. Қонаевтың қызметтес ізбасарлары, туған-туыстары, қоғам қайраткерлері, ғалымдар, қала тұрғындары мен қонақтары қатысты.
Бұл күні қала тұрғындары мен қонақтары үшін Д.А. Қонаев музейі мен мемориалды пәтер-музейінде экскурсиялар жүргізілді.