Бүгін Мажарстанда қызметтік іссапарда жүрген Алматы қаласы музейлер бірлестігінің қызметкерлері атом электр станциясын(АЭС) салу мәселесі бойынша референдумға қатысты.

Қызметкерлер Қазақстан Республикасының Мажарстандағы Елшілігінің жанындағы № 375 референдум сайлау учаскесіне барып, өз таңдауларын жасады.

«Бүгінгі күн кеше қабылданған шешімдердің нәтижесі болса, ертеңгі күн бүгін қабылданған шешімдердің нәтижесі болмақ. Будапешт қаласында іс-сапарда жүрсек те, жалпыұлттық шешім қабылданатын маңызды күні алшақ қалмай, Қазақстан Республикасының Мажарстандағы Елшілігінің жанындағы сайлау учаскесіне барып АЭС құрылысына қатысты өз пікірімізді білдіріп қайттық», – деп атап өтті Алматы қаласы музейлер бірлестігінің директоры Сағындықова Ляззат Құдайбергенқызы.

‍