Мультимедиялық дәстүрлі музыка орталығы
Мультимедиялық дәстүрлі музыка орталығы Елбасы Қазақстан Республикасының Тұңғыш Президенті Н.Ә. Назарбаевтың тапсырмасымен Ел Тәуелсіздігінің 25 жылдығына және Алматы қаласының 1000 жылдығына орай 2016 жылы 18 қыркүйек күні ашылды. Мультимедиялық дәстүрлі музыка орталығында қазақ халқының ән, күй, ақын-жыраулық өнерін жасаушы және бүгінге жеткізуші өнер тұлғаларының аспаптары орналасқан.
Орталықтың бел ортасында орналасқан 3D голограммадан төрт өңірдің белгілі өкілдерінің орындауында танымал ән-күйлер мен жырларды тыңдай алады. Орталықта үш тілде QR код енгізілген. Мультимедиялық зал арқылы қазақ халқының сан ғасырлық өнері мен мәдениетіне саяхаттай отырып, әр өңірде сақталған музыкалық өнерімізбен бай рухани-мәдениетіміздің терең тарихымен танысады.
Экспонаттар қазақтың белгілі өнер тұлғаларының жәдігерлерінен тұрады. Экспонаттар өңірлік төрт мектепке жіктеліп орналасады. Олар:
1. Жетісу дәстүрлі музыка мектебі.
2. Оңтүстік Қазақстан, Сыр өңірінің дәстүрлі музыка мектебі.
3. Батыс Қазақстан дәстүрлі музыка мектебі.
4. Арқа дәстүрлі музыка мектебі.
Орталықтың ашылу мақсатының бірі – заманауи озық 3D технологияларды музей саласына енгізу арқылы қазақтың бай және көркем дәстүрлі музыка өнерін халыққа және келешек ұрпаққа насихаттау, қазақ мәдениетімен танысуға келген шетел азаматтарының қызығушылықтарын қамтамасыз ету.
Жетісу дәстүрлі музыка мектебі
Жетісу – қазақ халқының дәстүрлі ән, күй, жыр мектептері қалыптасқан құнарлы өңірдің бірі. Жетісудың дәстүрлі ән өнерін Кебекбай, Ноғайбай, Кенен, Қапез т.б. секілді жезтаңдай әншілер қалыптастырып жеткізді.
Жетісу өңірінің жыраулық дәстүрінің ірі өкілдері Қабан, Сүйінбай, Жамбыл секілді жыраулардың қайталанбас өнері арқылы «Жетісу жыр мектебі» қалыптасқан.
Жетісу өнерінің күй дәстүрі өз алдына жеке дамып, күй шығармалары халқымыздың басынан өткен тарихи оқиғаларымен ұштасып жатады. Жетісу өңірінің күйшілік дәстүрін Байсерке, Қожеке секілді күйшілер дамытты.
Оснащение:
Оңтүстік Қазақстан мен Сыр өңірінің дәстүрлі музыка мектебі
Оңтүстік Қазақстан мен Сыр бойы өңірінде Шортанбай, Мәделі, Шораяқтың Омары, Нысанбай, Балқы-Базар, Нұртуған, Кете Жүсіп т.б. секілді атақты ақын-шайырлар мен жыраулар өмір сүрді. Олардың телегей-теңіз жыр-мұралары арқылы қазақ халқының басынан өткен сан ғасырлық тарихы бүгінгі ұрпаққа жетті.
Сыр бойы өңірінің әншілік мектебінің белгілі өкілі Нартай сырнаймен ән айту өнерінің дәстүрлі мектебін қалыптастырды.
Оңтүстік және Сыр бойы өңірінде қазақ халқының аспапты-музыкалық мәдениетінде ерекше орын алатын «шертпе» және «төкпе» күй мектебі қатар дамыған. Осы екі мектептің Сүгір, Әлшекей, Бапыш, Төлеген секілді дарынды өкілдері ойлы, мұңлы, терең де сыршыл, асқақ та әуезді дүниеге әкелген.
Оснащение:
Батыс Қазақстан дәстүрлі музыка мектебі
Батыс Қазақстан өңірінің тереңнен тартатын жыраулық дәстүрін Мұрын, Мұрат, Қашаған, Абыл т.б. жыраулар қалыптастырып, дамытты. Олардың қайталанбас шығармалары ғасырлар бойы халқымыздың рухани-мәдени дамуына негіз болды.
Бұл өңірдің диапазон кең ішкі мазмұны терең әншілік дәстүрі Бала-Ораз, Бораш, Қисса, Мұхит, т.б. дарынды әншілердің өнері арқылы сақталып, жалғасын табуда.
XVIII-XIX ғасырларда Қазақ елінің батыс беткейіндегі Бөкей Ордасында, Маңғыстау, Сағыз Жем бойында аса күшті домбырашылық мектеп қалыптасты. Күйшілік дәстүрдің дамуына Дәулеткерей, Түркеш, Махамбет, Құрманғазы, Дина, Сейтек, Есір, Есбай, Құлшар, Қазанғап т.б. күйшілердің шығармашылығы ұлттық музыкамыздың алтын арқауына айналды.
Оснащение:
Арқа дәстүрлі музыка мектебі
Қазақ даласының Шығыс, Солтүстік, Орталық аймақтарын алып жатқан Арқа өңірінде әншілік, сал-серілік, күйшілік өнер дәстүрі кеңінен қанат жайды. Кең тынысты, әуен-ырғағы сан алуан Арқа мектебінің әншілік дәстүрін Біржан сал, Ақан сері, Жаяу Мұса, Естай, Мәди, Әсет, Уәйіс т.б. әнші-композиторлар айрықша биікке көтеріп, шарықтау шегіне жеткізді.
Арқа өңірінде көркемдігі жоғары, сазды, ырғақты шертпе күй дәстүрі кеңінен дамыды. Арқа күйшілік мектебінің аса көрнекті өкілдері ретінде Байжігіт, Тәттімбет, Әбікен, Әбди, Қыздарбек, Сембек, Тоқа т.б. көптеген халық композиторлары мен күйшілерін атауға болады.
Оснащение:
Біздің музейлеріміздің барлық экспозициялары бойынша виртуалды турды тамашалаңыз
Музейдің құрылымы
Каженова Руза Жүнісқызы
Музей жетекшісі
- 8 747 102 42 67
- muzykaortalygy@mail.ru
Жаңбырбай Мөлдір Жаңбырбайқызы
Ғылыми қызметкер
- 8 707 412 8786
- muzykaortalygy@mail.ru
Асен Мадина
Экскурсовод
- 8 707 578 04 79
- muzykaortalygy@mail.ru
Жексембаева Назерке Сержанқызы
Экскурсовод
- 8 707 662 3526
- muzykaortalygy@mail.ru
Келушілерге
Жұмыс уақыты:
Сейсенбі-сенбі, 09:00-18:00
Жексенбі, 10:00-19:00
Прейскурант:
Ересектер – 1000 тг
Шет ел азаматтары - 1500 тг
Студенттер – 500 тг
Оқушылар – тегін
Зейнеткерлер – 300 тг
Экскурсия – 2000 тг, шет(ағылшын) тілінде - 3000 тг
Байланыс телефондары:
+7 727 393 40 18
muzykaortalygy@mail.ru
https://www.instagram.com/museum_multimediya/
Билеттерді онлайн сатып алу
ticketon.kz сайтында билет сатып алу арқылы барлық музейге кіре аласыз.