Алматы қаласы әкімдігі қолдауымен Алматы қаласы Музейлер бірлестігі, ҚР Ұлттық кітапханасы, «Qyr balasy» қоғамдық қоры және Ә.Бөкейхан «Алаш» ғылыми-зерттеу институтының ұйымдастыруымен бірнеше іс-шара ұйымдастырылды: 🔸Алматы музейінде 31 мамыр – Саяси қуғын-сүргін құрбандарын еске алу күніне, әрі мемлекет және қоғам қайраткері Темірбек Жүргеновтің туғанына 125 жыл толуына орай «Тұғыры биік тұлға» атты көрме ашылды. Көрмеге Алматы музейі қорынан 100-ден аса жәдігер қойылды;
🔹ҚР Ұлттық кітапханасында «Ұмытылмас күн!» атты Халықаралық дөңгелек үстел өтті. Халықаралық дөңгелек үстелге Түркия елінің Алаштанушы ғалымдары қатысты;
🔸Сейдәзім Қадырбайдың «Ақы заңы», Ж. Аймауытұлының «Дәмелі», М. Малдыбайұлының «Иман һәм намаз яки мұсылмандық», «Ахмет Байтұрсынұлы», «Қасіретті жылдар» библиографиялық көрсеткіштерінің, Е. Тоқтарбайдың «Алаш сөзі», «Ұлтты оятқан ұлы сөз», Н. Бирайдың «А.Байтұрсынұлы», А. Байтұрсынұлының «Миллет мектебінің жүрегі», «Kardeş Kalemler», С. Қадырбайұлының «Kardeş Kalemler», Р. Сахыбекқызының «Asrın Adamı» кітаптарының тұсаукесер рәсімі мен таныстырылымы өтті;
🔹Қазақстан Республикасы Ұлттық кітапханасының қорынан «Ұмытылмас күн!» атты кітап көрмесі ұйымдастырылды;
🔸Ахмет Байтұрсынұлының ескерткішіне гүл шоғын қою рәсімі және Ахмет Байтұрсынұлы музей-үйімен таныстыру экскурсиясы өтті.
