Алматы музейінде 2023 жылғы 22 ақпанда белгілі қоғам қайраткері, тележурналист Нұртілеу Иманғалиұлының 65 жылдығына арналған «Бай-қуатты болайық!» атты көрмелер тізбегінің ашылуы өтті.
Көрмеде Нұртілеу Иманғалиұлының жеке заттары, құжаттары, кітаптары мен марапаттары қойылған. Қойын кітапшалары, марапаттары, эфирде киген киімдері, кітаптары, жеке тұтынған заттары – барлығы 100-ден аса жәдігерді журналистің жары Қарлығаш Табылдинова музейге сыйға тартты.
Іс-шараға қатысқан Нұртілеу Иманғалиұлының әріптестері, қазақ тележурналистикасының майталмандары Қайнар Олжай, Гүлмария Барманбекова, Фатима Бегімбаева, Ботагөз Исмаил өздерінің естеліктерімен бөлісіп, кеш шырайын аша түсті.
Аталмыш іс-шара Қазақ телевизиясының 65 жылдығы аясында ұйымдастырылды.
